AFFA yaxın günlərdə bununla bağlı qərar verəcək

Türkiyə ilə İstanbuldakı oyun Azərbaycan millisinin baş məşqçisi Berti Foqtsun yığmamızdakı karyerasını sona yaxınlaşdırdı. 7GUN.AZ-ın Mundial.az-a istinadən verdiyi məlumata görə, ilin sonunda Foqtsla bitəcək müqaviləni uzatmaq fikrində olmayan AFFA rəhbərliyi ona əvəzləyici də tapıb. Məlumata görə, yaxın günlərdə Foqtsun millidən göndəriləcəyiylə bağlı AFFA rəsmi məlumat yayacaq. Onun yerinə isə hazırda "Qarabağ"ın baş məşqçisi olan Qurban Qurbanovun gətiriləcəyi elan olunacaq.
Qeyd edək ki, bir müddət əvvəl mətbuatda Qurbanovun "Neftçi" klubunun prezidenti Sadıq Sadıqovla görüşdüyü bildirilirdi. Verilən məlumata görə, Qurbanovla Sadıqovun söhbətində də müzakirə mövzusu məhz milli olub.

7GUN.AZ