Dəfn mərasiminə qatılanlara əlcək və papaq taxmaq qadağan olunubmuş

Ötən ilin son ayı dünyada Şimali Koreyanın lideri Kim Çen İrin vəfatı ilə yadda qaldı. Mərhum liderin ölümü dünyanın heyrətlə izlədiyi məqamlara səbəb olub. İnsanların bir yandan ağladığı, bir yandan da şaxtalı hava şəraitinə davam gətirdiyi mərasimlə bağlı ortaya yeni iddia atılıb.
28 dekabrda keçirilən dəfn mərasimində əhaliyə əlcək və papaq taxmaq qadağan edilibmiş. Dünya mətbuatında yayılan görüntülərdə şiddətli qar yağışı altında göz yaşı tökən, hətda özündən gedən insanların heç birinin əllərinin və başının bağlı olmaması diqqət çəkən məqamlardan biri olub.

Cənubi Koreya mətbutında yer alan məlumata görə, Kim Çen İrinin varisi olan oğlu -9 dərəcə şaxtalı havada keçirilən mərasimlərə əlcəksiz və baş örtüsüz qaatıldığı üçün əhaliyədə geyim qaydası təqdim edilib.

İddialara görə, rəsmilər əhaliyə bununla bağlı broşurlar paylayıblar. Xəbərdarlıqda tələbələrin əlcək, papaq və şərf geyinməsini yoxlamaq məqsədi ilə kütlə arasında yoxlamalar aparılacağı bildirilib.