"Ticarət" bankı və onun filialı İranın nüvə proqramının maliyyələşdirilməsində şübhəli bilinir

ABŞ Tehranın nüvə proqramının maliyyələşdirilməsində şübhəli bilinən nəhəng İran banklarından birinə yeni sanksiyalar tətbiq edib. "Ticarət" bankı və onun Belarusdakı filialı olan "Trade Capital" artıq beynəlxalq maliyyə sisteminə çıxış əldə edə bilməyəcək. Bu isə o deməkdir ki, bank İran neftinin satışından əldə edilənı vəsaiti öz hesabına köçürə bilməycək.

ABŞ prezidenti Barak Obama isə Avropa Birliyi xarici işlər nazirlərinin İrana qarşı yeni sanksiyalar qərarını alqışlayıb. ABŞ dövlət katibi Hillari Klinton və maliyyə naziri Timoti Qeytnerin birgə bəyənatında bildirilir ki, bu, Tehrana təzyiq göstərmək cəhdində beynəlxalq səylərin növbəti addımıdır.