Fransa senatındakı uzun müzakirələrə baxmayaraq qondarma “Erməni soyqırımı”nı inkar edənlərin cəzalandırılması qanununa qarşı çıxan senatorlar Ali Məhkəməyə getmək üçün imza toplayıblar

Qanunun ləğvi üçün kifayət qədər imza toplanıb və bu gün Fransa Ali məhkəməsinə müraciət olunacaq.Qeyd edək ki, qondarma “erməni soyqırımı”nı inkar edənlərin 1 il müddətinə azadlıqdan məhrum edilməsini və 45 min avro miqdarında cərimələnməsini nəzərdə tutan qanun layihəsi bu gün Fransa parlamentinin yuxarı palatası olan Senat tərəfindən də qəbul edilib. Qanunun qəbulunda 213 nəfər iştirak edib, onlardan 127 nəfər qanunun lehinə, 86 nəfər əleyhinə səs verib.



Yanvarın 24-də Fransa Senatında qəbul edilən qondarma “erməni soyqırımı”nın inkarına görə cinayət məsuliyyətini nəzərdə tutan qanun layihəsinin qüvvəyə minməsinin qarşısının alınması üçün şans yarandı.Qanunun Konstitusiya Şurasına (Məhkəməsinə) göndərilməsi üçün lazım olan 60 senatorun imzası toplanıb.

Bu gün 60 senatorun imzası ilə qondarma “erməni soyqırımı”nın inkarına görə cinayət məsuliyyətini nəzərdə tutan qanun Konstitusiya Şurasına göndəriləcək.

Qeyd edək ki, qanunun Konstitusiya Şurasına (Məhkəməsinə) göndərilməsi ilə bağlı senatorların imza toplamasından xəbərdar olduğunu açıqlayan Fransa Konstitusiya Şurası dünən prosesə müdaxilə edib. Konstitusiya Şurası Senata qanunun Fransa prezidentinə göndərilməsinin 3 gün təxirə salınmasını istəyib. Qanunun Konstitusiya Məhkəməsinə göndərilməsi istiqamətində əsas təşəbbüskar Avropa Demokratik və Sosial Birliyik Partiyasının Senatdakı qrupunun rəhbəri Jacques Mezarddır. Avropa Demokratik və Sosial Birliyik Partiyasının Senatda 16 üzvü var. O bildirib ki, imza verənlərin əksəriyyəti hakimiyyətdəki Xalq Hərəkatı Birliyi Partiyasının üzvləridir. Müxalifətdəki Sosialist Partiyasının senatorlarının da bir neçəsi imza verib.

9 üzvü olan Konstitusiya Şurasının “erməni soyqırımı”nın inkarına görə cinayət məsuliyyətini nəzərdə tutan qanunun Konstitusiyaya zidd olması barədə qərar çıxarması ehtimalı yüksək dəyərləndirilir.