Həyatını Qərbə qarşı mübarizəyə həsr etmiş terrorçu "Əl Qaidə" təşkilatının lideri Usama bin Laden həlak olmazdan bir qədər əvvəl övladları və nəvələrinə vəsiyyət edibmiş

"Əl Ərəbiyyə"yə bildirir ki, ABŞ-ın xüsusi təyinatlı antiterror dəstəsinin həyata keçirdiyi əməliyyat nəticəsində Pakistanın Abbotabad şəhərində öldürülən bin Laden övladları və nəvələrindən Qərb ölkələrindən birinə köçərək, orada əmin-amanlıq içində yaşamalarını istəyib. O, nəvələrinin Qərbin ən məşhur və nüfuzlu universitetlərində təhsil almalarını arzuladığını bildirib.

"Oxuyun, Qərb elminə yiyələnin. Mənim kimi olmayın", - "Əl Qaidə" lideri deyibmiş.

Bin Ladenin 5-ci arvadının qardaşı Zəkəriyyə əl Sabah isə "Sunday Times"a verdiyi müsahibəsində bildirib ki, Bin Laden övladları və nəvələrinin özü kimi terrorçu olmalarını istəmirdi: "O, uşaqlara ABŞ və Avropaya gedərək təhsil almağı, cihadla məşğul olmamağı tapşırdı".

milli az