Yevgeni Satanovski: “Bu “təmizlik” əməliyyatında azad edilən əsirləri yenidən əsir almayacaqlar və “yox” edəcəklər”

Rusiyada fəaliyet göstərən Yaxın Şərq İnstitunun sədri Yevgeni Satanovski İsrail-Həmas məhbus mübadiləsi razılaşmasının pis nəticələr verə biləcəyini və İsrailin yaxında Qəzzada geniş əhatəli hərbi əməliyyata başlayacağını iddia edib.

7GÜN.AZ portalı Rusiyanın “İzvestiya” qəzetinə istinadən bildirir ki, İsrail və Yaxın Şərq üzrə mütəxəsisi Satanovski deyib ki, İsrail əsgəri Gilad Şalidə qarşı 1027 fələstinli məhkumun buraxılmasını nəzərdə tutan İsrail-Həmas məhbus mübadiləsi razılaşmasından sonra fələstinlilərin yenidən İsrail əsgərlərini oğurlayacaqlar. O, həmçinin İsrail əsgərləri isə fələstinliləri əsir almadan öldürəcəyi ilə bağlı iddia da irəli sürüb.

Mütəxəssis fikrini belə əsaslandırıb ki, Həmas liderləri bütün əsirlərin sərbəst buraxılması üçün fəaliyyət göstərəcəkləri ilə bağlı açıqlama versələr də, İsraildə 5 minə yaxın fələstinlinin əsir saxlandığını və bu razılaşmanın əsir qruplarını dəyişmək ümidi ilə İsrail vətəndaşlarını qaçıracaqlarını bildirirlər. Satanovskiyə görə, liderlər bununla İsraili əsir dəyişikliyi etmək üçün müvafiq müqavilələr bağlamağa məcbur etmək istəyirlər.

İsrailin min əsiri buraxmaq üçün bu anlaşmanı imzalamaqla başqa məqsəd güddüyünü dilə gətirən Y. Satanovski onu da qeyd edib ki, İsrail yaxın vaxtlarda Qəzzada geniş tərkibli hərbi əməliyyatlara başlayacaq: “Bu “təmizlik” əməliyyatında azad edilən əsirləri yenidən əsir almayacaqlar və “yox edəcəklər”.

Satanovski İsrailin planladığı bu əməliyyatı noyabr ayında BMT-də keçiriləcək Fələstinin müzakirəsi ilkə əlaqələndirərək bildirib ki, BMT-dən müsbət nəticə çıxarsa, İsrail bu əməliyyatla özünü yeni qonşusundan bir müddət üçün müdafiə etmək məqsədini güdür.

7GÜN.AZ