Qaçaqmalçılar 221 ədəd Fil dişini Çinə keçirməyə cəhd ediblər

Vyetnamda qaçaqmalçılar tərəfindən qeyri-qanuni yollarla 1 ton ağırlığında fil dişi Çinə aparılarkən ələ keçirilib.

7GUN.AZ bildirir ki, bu xəbəri Vyetnam mətbuatı yayıb. Xəbərdə göstərilir ki, ölkənin gömrük səlahiyyətliləri parça hissələri içərisində gizlin şəkildə oğurlanan 221 dənə fil dişini Vyetnam və Çin arasında sərhəd təşkil edən Ka Lonq çayında səyahət edən bir gəmidə ələ
keçiriblər.
Səlahiyyətlilər əməliyyat zamanı gəmidə olan bir çinli ilə vyetnamlı kapitanı nəzarətə götürdüklərini də qeyd ediblər.
Xatırladaq ki, fillərin sayı getdikcə azalan Vyetnamda 2009-cu ildə Tanzaniyadan gətirilən təxminən 7 ton ağırlığında fil dişi ələ keçirilmişdi.

7GUN.AZ