Ukrayna Baş Prokurorluğu sabiq Timaşenkonun Yevqeni Şerbanın qətlində iştirakının olub-olmamasını araşdırır

7GUN.AZ “RİA Novosti”-yə istinadən xəbər verir ki, bu açıqlama ilə Ukrayna baş prokurorunun birinci müavini Renat Kuzmin çıxış edib. O, “İnter” telekanalına verdiyi müsahibədə bildirib ki, hazırda prokukorluq Timoşenkonun sifarişli qətldə iştirakını təsdiq edə biləcək sənədlər üzərində iş aparır. R.Kuzminin sözlərinə görə, Ukraynanın sabiq baş naziri, hazırda Amerika Birləşmiş Ştatlarında həbsdə olan Pavel Lazarenkonun iş üzrə ifadə verən şahidlərdən biri Yevqeni Şarbanın qətlinə görə razılaşdırılmış vəsaitin Lazarenko və Timoşenkonun bank hesablarından ödənildiyini bildirib. Bu da Ukraynanın hüquq-mühafizə orqanlarına Timoşenkonun qətldə iştirakının olub-olmamasını araşdırmağa əsas yaradıb. Baş prokurorun birinci müavini bu məslə ilə bağlı “İTAR-TASS”a da açıqlama verib. O deyib ki, Timoşenkonun həyatında cinayət əməlləri və sifarişli qətllərə dair məqamlar var. Qeyd edək ki, Ukrayna radasının deputatı Yevqeni Şerban 1996-cə ildə qətlə yetirilib.

7GUN.AZ