Məktəbliləri aparan avtobus su kanalına düşüb

Çinin şərqində Çzyansu əyalətində dəhşətli yol qəzası baş verib. Məktəbliləri aparan avtobus çevrilərək su kanalına aşıb. Nəticədə 15 məktəbli ölüb, 8 uşaq xəsarət alıb. İlkin versiya kimi qəzaya sürücünün digər nəqliyyat vasitəsi ilə toqquşmamaq üçün qəfil manevr etməsinin səbəb olduğu ehtimal edilir.

Verilən məlumata görə, qəza anında avtobusda 29 nəfər olub. Uşaqlar arxası üstə çevrilmiş avtobusda təcrid olunmuş vəziyyətdə qalıblar, salona su dolması onların boğulmasına səbəb olub. Avtobusun sürücüsü həbs edilib. Qəzanın baş verməsinin dəqiq səbəbləri aydınlaşdırılır.